Ана сүті: бала мен ана денсаулығына тигізер пайдасы
Нәрестені туғаннан бастап 23 айға дейін жақсылап емізу – жыл сайын бүкіл әлемдегі 820 мың баланы құтқаруға мүмкіндік береді. Қазақстан Республикасында бала емізуге үлкен мән беріледі.
Емізу - бұл ананың баламен эмоционалды байланысын күшейтетін, баланың психофизикалық дамуына жақсы әсер ететін маңызды процестердің бірі.
Болашақ аналарды бала емізуге дайындау әйелдің жүктілік кезеңінде оның организмінің физиологиялық өзгерістерін, баланы кеудеге жатқызу тәсілдерін және тамақ берудің жалпы қағидаларын түсіндіруден басталады.
Бала емізудің артықшылықтарына қарамастан, Қазақстанда 6 айға дейінгі балалардың тек 37.8% -ы ғана ана сүтін емеді.
2006 жылдан бастап Қазақстанда 6 айға дейінгі сәбилерді тек қана ана сүтімен емізу көрсеткіштері 16.8% -дан 2015 жылы 37.8% -ға дейін ұлғайды, қалалық жерлерде 6 айға дейінгі балаларды тек ана сүтімен емізу ауылдық жерлерге қарағанда кең таралған (34,4% және тиісінше 29,2%). Қалаларда 1 жастағы және одан жоғары жастағы ана сүтімен қоректенетін балалардың пайыздық арақатынасы ауылдарға қарағанда жоғары.
Ана үшін емізудің пайдасы:
Босанғаннан кейін организмннің қалпына келу процесін тездететін окситоцин түзілуінің жоғарылауы; Ананың стресске төзімділігін арттыру, босанғаннан кейінгі күйзелісті азайту;
Сүт безі қатерлі ісігінің пайда болу қаупін азайту;
• Постменопаузадағы остеопороз дамуы және сүйек сынуы қаупінің төмендеуі;
• Жүрек-қан тамырлары аурулары мен қант диабетінің даму қаупін азайту.
Балаға пайдасы:
Жұқпалы аурулардан қорғауды қамтамасыз ету.
Асқазан-ішек жолдарының жетілуін және моторикасын дамыту.• Ішек микрофлорасын сау қалпында қалыптастыру.
• Дұрыс тамақ жемеудің қалыптасу ықтималдығын азайту.
• Жіті респираторлық аурулардың жиілігін төмендету.
• Когнитивті және сөйлеу дамуын жақсарту.
• Ана мен баланың эмоционалды байланысын жақсарту.
• Зәр шығару жолдары инфекцияларының жиілігін азайту.
