Оқу жылы басталған кезде балалар суық тию, мұрын бітелуі және тамақ ауруы сияқты мәселелермен жиі кездеседі. Кейде ата-аналар мұндай белгілерді қарапайым ЖРВИ деп қабылдап, өздігінен өтіп кетуін күтеді. Бірақ мәселе жиі қайталанса немесе ұзақ уақыт сақталса, баланы ЛОР дәрігеріне көрсету қажет.
Жиі қайталанатын баспа
Егер баланың тамағы жиі ауырып, жұтынуы қиындаса, дене қызуы көтерілсе, бадамша бездері ұлғайса немесе олардың үстінде жабынды пайда болса, дәрігерге қаралған дұрыс. Қайталанатын баспа бадамша бездердің созылмалы қабынуымен байланысты болуы мүмкін. ЛОР дәрігері баланы қарап, қажет болған жағдайда қосымша тексеру мен ем тағайындайды.
Мұрынның үнемі бітелуі
Мұрынның ұзақ уақыт бітелуі баланың қалыпты тыныс алуына, ұйқысына және сабақ оқуына кедергі келтіреді. Бала үнемі ауызбен тыныс алуы, тез шаршауы немесе басының ауырғанына шағымдануы мүмкін. Бұған аденоидтардың ұлғаюы, аллергиялық ринит, созылмалы қабыну және басқа да аурулар себеп болуы мүмкін.
Бала ұйықтағанда қорылдайды
Баланың үнемі қорылдауын қалыпты жағдай деп қабылдауға болмайды. Егер бала ұйықтағанда ауызбен тыныс алса, мазасыз ұйықтаса, жиі оянса немесе тыныс алуында үзілістер байқалса, оны ЛОР дәрігеріне көрсеткен жөн.
Есту қабілеті төмендесе
Егер оқушы жиі қайта сұрай бастаса, теледидардың немесе телефонның дауысын қатты қойса, айтқан сөзге бірден жауап бермесе, есту қабілетін тексеру қажет. Кейде есту қабілетінің төмендеуі суық тиюден немесе отиттен кейін пайда болып, біраз уақыт байқалмай жүруі мүмкін.
Қайталанатын отит
Құлақтың ауыруы, бітеліп тұрғандай сезім, құлақтан бөлінді шығуы немесе отиттің жиі қайталануы маманның қарауын қажет етеді. Дәрігердің тексеруінсіз құлаққа тамшы тамызуға немесе құлақты жылытуға болмайды.
ЛОР дәрігеріне қашан қаралу керек?
Егер баланың тамағы жиі ауырса, мұрын бітелуі ұзақ уақыт өтпесе, тұрақты қорыл пайда болса, есту қабілеті төмендесе немесе отит қайталанса, дәрігердің кеңесіне жазылған дұрыс.
Уақтылы тексеру белгілердің себебін анықтап, қажетті емді таңдауға көмектеседі. Әсіресе ЛОР мәселелері баланың ұйқысына, жалпы жағдайына және оқуына әсер ете бастаса, дәрігерге баруды кейінге қалдырмаған жөн.
«Айгерім» клиникасында ЛОР дәрігерінің кеңесінен өтіп, қажетті тексерулерден өтуге болады.
Қабылдауға жазылу: 905-100
Сондай-ақ MED Line мобильді қосымшасы арқылы дәрігерді және өзіңізге ыңғайлы уақытты таңдап, қабылдауға жазыла аласыз.